الزبير سعيد
كل يوم تزداد الشُّقّة بين الهلال والمريخ، وتتسع المساحة مع اتساع ثقب الأوزون الرياضي.
أخشى أن تنتهي الندية بين الفريقين بعد أن أصبح المريخ يكافح ليصبح وصيفًا للبطل الدائم (الهلال).
زمان كان التنافس منطقيًا ومقبولًا..
لكن الوصيف أصبح ضعيفًا مشلولًا.
غرقان في مشاكل ما في ليها حلول..
وشن جاب (الكباب) للبوش وموية الفول…
++++++++++
سويّاط والعليقي؛ ما في أي خلاف…
والداعم الفساد من الله حقو يخاف..
ما أظن تاني يوم تتلاحق الأكتاف…
وبينا والوصيف أبعد من الرجاف…
++++++++++++
مسكين الوصيف مضروب وفاقد العافية
محتاج للعلاج وبعض الحبوب الشافية…
(حنة الدامر) بالشايفو ما كان كافية…
وصفعة كانت خلت العرضة كلها طافية….
++++++++++++
تاريخ الهلال ما فيهو حاجة معيبة…
وأحلام الوصيف مختوتة في تعليبة..
العايز البطولة يمرق من الترطيبة..
وعطرك يا هلال؛ أصلي ما تركيبة….
